Mig langar að leita ráða hjá ykkur. Ég er búinn að fikta aðeins í fluguveiðinni í nokkur ár en aldrei farið all-in eins og sagt er. Maður er oft ansi fljótur að grípa í kaststöngina þegar manni finnst illa ganga að kasta flugunni. Ég hef aldrei pælt mikið í græjunum sjálfum, þ.e.a.s. flugustönginni, hjólinu og línunum. Núna langar mig hinsvegar að græja mig upp og vera með þetta á hreinu, nota sem sagt rétta línu fyrir rétta stöng og réttar aðstæður. Það ætti vonandi að hjálpa mér í kastæfingunum.

Með hverju mælið þið, hvaða þyngdum á línum og stöngum fyrir semi-byrjanda?

Ég er að nota núna einhverja gamla Cortland Graphite 7/8 flugustöng. Ég veit ekkert hvaða stærð af línu er á fluguhjólinu sem er á henni, veit bara að það er flotlína.

Mig langar helst að hafa svona all-around línu sem auðvelt er að kasta. Er ekki best að byrja þannig og vera svo með sökkenda bara ef maður þarf að sökkva flugunni eitthvað? Eru ekki þyngri línur sem hjálpa manni að kasta

Tékkaðu t.d á http://veidiheimur.is/

Ég veit það hljómar kannski leiðinlega að fara á námskeið í einhverju sem maður telur sig alveg geta kennt sér sjálfur. En ég var í nákvæmlega sömu sporum og þú fyrir nokkrum árum og síðan ég fór á kastnámskeið hef ég ekki kastað spún eða beitu.

Annars nenni ég ekki að telja upp einhver merki og læti. Þú átt eftir að kafna í uppástungum í þessum þræði :)

kv

Rúnar

En já ætli maður endi ekki bara á námskeiði. Ég hélt einmitt að þetta myndi bara koma með tímanum en maður verður þá að halda áfram og kasta meira með flugunni. Það er bara oft svo freistandi að grípa í kaststöngina þegar vindurinn er að pirra mann eða köstin ekki að ná nógu langt út. Mig langar að vera duglegri við þetta, þess vegna vona ég að rétt lína hjálpi til við köstin og í kjölfarið verð ég aðeins strangari við sjálfan mig að kasta lengur þó ekki gangi alltaf allt upp í köstunum.

En svo er spurningin hvað þú ætlar að gera ef línan sem þú kemur til með að kaupa þér á 13.000 kall (td. 4Cast frá Guideline) hjálpar þér ekki. Kaupa aðra línu? :)

Auðvitað getur vel verið að þú sért með vitlausa línu á stönginni, og þá kannski of létta. En námskeið er eitthvað sem kemur til með að stytta leiðina að góðu kasti um marga klukkutíma, og marga þúsundkalla :)

Svo eru þessir kennarar líka oftast hafsjór af fróðleik varðandi fluguveiði og gaman að spyrja þá spjörunum úr.

Ég myndi ráðleggja þér að fá þér stöng og línu #6 og þá línu með skothaus. Línur eru oftast WF (weight forward) sem þýðir að fremsti hlutinn er þykkari og þyngri til að auðvelda köstin. Lína með skothaus er með enn þyngri framenda (ca. 2 númerum þykkari, en endinn er styttri en á venjulegri WF línu. Sjálfur nota ég mest Airflo 40+ intermediate (skothaus)línu og er bara sáttur við hana en hef heyrt vel af látið af Rio Outcast líka. Intermediate lína er fjölhæfara veiðitæki en flotlína, þ.e. h

Myndi byrja á því að skella mér á námskeið áður en þú ferð að spá í öðrum græjum.
Ég fór á námskeið hjá http://veidiheimur.is/ og sé ekki eftir því frábært námskeið í alla staði.

Kastnámskeið er mikilvægt. Það er þó er betra að fá kennsluna við vatnið. Það er allt annað að kasta úti á túni eða inni í sal, heldur en með blauta línu vi

Veiðiflugur eru með námskeið við Rauðavatn

Námskeiðið sem ég fór á var í Hafravatni.

Held að það sé annsi sjaldgjæft að svona námskeið fari eingöngu fram á túni :)

nokkrum vikum seinna átti að fara upp á Rauðavatn, ég mætti ekki þangað :-(

Ég er ekki mikið eldri en þú í fluguveiðinni, en ég er einmitt fársjúkur og sinni engu öðru áhugamáli.

Meðan að þú ert að komast að því hvort að þú ætlir "hobbíleiðina" eða "fíknileiðina" myndi ég mæla með þessu:

"Hobbíleiðin"

9' Stöng, línu #7 í 4 hlutum. Og hér eru rökin: Lína 7 er að mínu mati mest alhliða, þar sem að hún er ákkúrat á milli silungs & lax. 9 fet er rosalega þægileg stærð og 4 hluta er einfaldast uppá að ferðast með þetta.

Ég myndi síðan fá mér "byrjendapakka" frá "merki", þar sem að þú getur verið viss með ábyrgð. Nægir að nefna Redington, Sage, Loop, Scott, Orvis, o.s.frv.

"Fíknileiðin"
Keyptu allt sem þú vilt eftir að þú ert búinn að fara á kastnámskeið.

Eins og allir eru að tyggja á, kastnámskeið er gulls ígildi. Eftir það kemstu fljótt að því hvaða "Action" stangir henta þér og þínum kasstíl (hei, við erum jú ekki öll eins). É

Næst á dagskrá er svo að skella sér á kastnámskeið við tækifæri og æfa sig. Takk fyrir ráðleggingarnar.