Frí veiði í Hlíðarvatni!

Hér óskar þú eftir upplýsingum og ráðum um veiðistaði. Gott er að hafa nafn árinnar eða vatnsins í titil póstsins.
admin
Site Admin
Posts: 17
Joined: 03 Feb 2015, 20:07

Frí veiði í Hlíðarvatni!

Postby admin » 18 Aug 2015, 08:50

Stangaveiðifélögin, sem eru með aðstöðu við Hlíðarvatn í Selvogi, bjóða gestum að koma og veiða án endurgjalds í vatninu sunnudaginn 23. ágúst næstkomandi. Þetta eru Stangaveiðifélagið Árblik, Ármenn, Stangaveiðifélag Hafnafjarðar, Stangaveiðifélag Selfoss og Stangveiðifélagið Stakkavík.

Fulltrúar frá félögunum verða á staðnum og munu leiðbeina gestum um agn, veiðistaði og aðferðir. Einnig verður að fá á staðnum ýmsar upplýsingar um vatnið og veiðina í því.

Gestum er frjálst að koma árla morguns á sunnudeginum og veiða til kl. 17:00 um kvöldið. Leyfilegt agn er fluga og spónn. Einungis er veitt frá landi. Gestir eru vinsamlegast beðnir að skrá aflann hjá einhverju félaganna. Skrá þarf tegund, þyngd, lengd og agn. Gestum er bent á að lausaganga hunda við vatnið er óheimil. Loks skal nefna að berjaland er í kringum vatnið, þótt berjasprettan sé ekki eins góð nú og oft áður. Hins vegar hafa þeir, sem sótt hafa vatnið að undanförnu, veitt ágætlega, þannig að vel gæti fiskast, ef þannig viðrar.

Sjáumst :)

Return to “Veiðistaðir”

Who is online

Users browsing this forum: No registered users and 1 guest

cron